Igl 1. da zercladur 2022 ha nies car amitg Robert Caminada bandunau nus per adina. Robert ei staus in fideivel ed engaschau commember da nies KC Surselva. Sco confundatur eis el s’engaschaus dapi l’entschatta cun tgierp ed olma per il patratg da nies club. El ei staus entochen alla fin da sia veta activs e presents a nossas sentupadas.
Cun sia gronda savida universala e sia simpatica carisma ha el adina puspei saviu fascinar l’entira respada. Entras sia presenza ha el dau a nossas numerusas sentupadas ina tempra amicabla e famigliara. Nus havein astgau passentar zun bialas uras cun Robert ed el vegn a restar a nus en buna memoria. Engraziel Robert che ti eis staus nies amitg e ruaussa en pasch.
Tes amitgs dil KC Surselva